Plantun de Prouvènço

Pèr coumpara dos planto d'encò nostre

Oxyria digyna & Erysimum virgatum

Oxyria digyna

Polygonaceae

Nom en français : Oxyria à deux styles.

Descripcioun :
Aquest acétou d'auto mountagno trachis dins lis esboudèu séusous e àutri peireguié. D'un poun de vist boutani fai pas parti dóu gènre Rumex qu'a dous estile en liogo de tres. Douno, pamens, proun d'èr à l'eigreto-fèro, Rumex scutatus mai se n'en destrìo majamen bonodi si fueio en formo de ren e pas astado.

Usanço :
Coume lis àutris eigreto, dèu èstre manjadis, pamens avèn pas d'entresigne segur.

Port : Erbo
Taio : 5 à 20 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Oxyria
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : 2 à 4 mm
Flourido : Estiéu

Sòu : Si
Autour basso e auto : 2200 à 3000 m
Aparado : Noun
Juliet à avoust

Liò : Esboudèu - Roucas - Peireguié
Estànci : Subaupen à Aupen
Couroulougi : Artico-Aupenco
Ref. sc. : Oxyria digyna (L.) Hill, 1768

Girouflèio(-en-bagueto)

Erysimum virgatum

Brassicaceae Cruciferae

Noms en français : Vélar en baguette, Vélar à feuilles d'épervière.

Descripcioun :
Aquesto girouflèio trachis dins lis ermas e en ribo de camin, de pisto de mountagno. Se recounèis i péu de si fueio d'en bas que soun estela (di tres partido), à si lòngui silico (> 3 cm un cop maduro) que rèston proche de la cambo, à si petalo gaire larjo (< 4 mm) e à si fueio dóu mitan quàsi entiero o à dènt < 1 mm. Pensa de coumpara emé lis àutri Erysimum en cliquant sus la grosso flécho verdo çai-souto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Erysimum
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 9 à 13 mm
Flourido : Printèms - Estiéu

Sòu : Ca
Autour basso e auto : 400 à 2200 m
Aparado : Noun
Mai à avoust

Liò : Ermas - camin - Pisto
Estànci : Mountagnard à Subaupen
Couroulougi : Éurasiatico
Ref. sc. : Erysimum virgatum Roth, 1797

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Oxyria digyna & Erysimum virgatum

ges

Coumpara Acètou(-di-dous-estile) emé uno autro planto

Coumpara Girouflèio(-en-bagueto) emé uno autro planto